შექმნილია გამძლეობისთვის
რენჯ როვერი-ის სხვა კომპონენტების მსგავსად, თქვენს ავტომობილში დამონტაჟებული ლითიუმ-იონის ტიპის აკუმულატორი შექმნილია იმისთვის, რომ შეგმატოთ თავდაჯერებულობა და გემსახუროთ მრავალი წლის განმავლობაში, ნებისმიერ პირობებში.
როგორ მუშაობს აკუმულატორი?
თქვენს ელექტრო ავტომობილში დამონტაჟებული აკუმულატორი წარმოადგენს რამდენიმე ინდივიდუალური დამუხტვადი ლითიუმ-იონის ტიპის მოდულისგან შემდგარ კომპლექტს.
რენჯ როვერი-ის აქსელერატორის პედალზე დაჭერისას, აკუმულატორის ენერგია გადაეცემა ელექტრო მოტორს, რომელიც თავის მხრივ ამოძრავებს ელექტრო ავტომობილის ბორბლებს. დაგროვებული ელექტროენერგიის გახარჯვის შემდეგ, გარკვეულ ეტაპზე საჭირო გახდება აკუმულატორის დამტენთან შეერთება და ხელახლა დამუხტვა.
რამდენია აკუმულატორის ექსპლუატაციის პერიოდი?
აკუმულატორების ექსპლუატაციის პერიოდი თქვენი ავტომობილის ექსპლუატაციის პერიოდზე უფრო ხანგრძლივია. თქვენს ლეპტოპში ან მობილურ ტელეფონში არსებული ანალოგიური, მაგრამ უფრო მცირე ზომის ლითიუმ-იონის ტიპის ელემენტებისგან განსხვავებით, რენჯ როვერი-ის აკუმულატორის დამზადებისას გამოყენებულია სპეციალური ტექნოლოგია და მეთოდები, რაც უზრუნველყოფს მისი წარმადობის ოპტიმიზაციას, რისი წყალობითაც აკუმულატორი მოგემსახურებათ მრავალი წლის განმავლობაში და გაგატარებთ მრავალ ათას კილომეტრს.
ეს მოიცავს თხევადი გაგრილების დახვეწილ სისტემებს და ჭკვიან ბუფერს, რომელიც უზრუნველყოფს აკუმულატორის დაცვას რეგულარული დამუხტვით გამოწვეული ცვეთის ეფექტისგან.
ჩვენი აკუმულატორის გარანტია
ჩვენი ელექტრო ავტომობილის აკუმულატორს მოყვება გარანტია, რომელიც მოქმედებს რვა წლის განმავლობაში ან 160 000 კილომეტრის გავლამდე, ხოლო ელექტრო ჰიბრიდების აკუმულატორის გარანტია მოქმედებს ექვსი წლის განმავლობაში ან 100 000 კილომეტრის გავლამდე — ამათგან რომელიც უფრო მალე დადგება. გარანტიის პირობების თანახმად, ჩვენი ელექტრო ავტომობილის ექსპერტები უფასოდ გამოასწორებენ ნებისმიერ საწარმოო დეფექტს.
რეალურად, აკუმულატორის ხარვეზი იშვიათად ფიქსირდება და ზოგადად დაკავშირებულია ერთ-ერთი ელემენტის დეფექტთან. ამ ელემენტის შემცველი მოდული შესაძლებელია მარტივად შეიცვალოს, რის შემდეგაც აკუმულატორი დაიბრუნებს მაქსიმალურ წარმადობას.
ექსპლუატაციის პერიოდის ამოწურვის შემდეგ ჩვენ ვახდენთ მის გადამუშავებას და ხელახლა გამოყენებას
ჩვენი ბატარეების სიცოცხლის გახანგრძლივების წრიული ეკონომიკა ჩვენი მდგრადობის სტრატეგიის ცენტრშია.
განაგრძეთ შესწავლა
ელექტრო ავტომობილის სასვლო მარაგი
ელექტრო და ელექტრო-ჰიბრიდული ავტომობილები
